2024香港小姐競選丨全球招募6.10截止 歷屆佳麗分享參選準備心得

《2024香港小姐競選》全球招募將喺6月10號截止，一眾師姐盛裝現身記招，呼籲合資格嘅佳麗報名參選，今年招募主題係「Pround To Be A Woman」。報名參選時會思考好多唔同嘅問題，師姐們就喺記招分享一啲心得，例如報名時拍拖，公唔公開好呢？若果本身毛髮旺盛又要點準備？如果遇到負面新聞又點面對？

陳曉華（Hera）同謝嘉怡當年冇諗過奪冠，可能呢份平常心令佢哋表現得更好，Hera話當年參選其中一個環節係求籤，點知求得下下籤嘅佢就反而更輕鬆。嘉怡話呢個放鬆心態好緊要，兼且視參選過程係一個自我挑戰，兩位冠軍人馬仲畀咗貼士大家。

此外，莊子璇（Hilary）同王怡然即將卸任，而Hilary卸任前夕已經加入劇組，飾演視帝郭晉安囡囡，Hilary話好緊張！