傳統戲曲結合西方管弦樂撞出新火花 兩場澳門演出圓滿完成

澳門樂團樂季演出之一《落花滿天•管弦光影之旅：帝女花跨界創意》，一連兩晚嘅演出圓滿落幕，座上客包括澳門特首賀一誠、胞姊賀定一女士、澳門社會文化司司長辦公室主任何鈺珊女士等，今次演出將粵劇同管弦樂跨界結合，喺演奏期間，大螢幕上播放重新剪接，由任劍暉同白雪仙主演嘅《帝女花》電影選段，令觀眾以全新視野欣賞呢個歴久不衰嘅愛情故事。

澳門樂團與管弦樂結合傳統戲曲嘅演出，令現場觀眾大為讚嘆

全場觀眾欣賞完整個演出後都讚嘆不已，即時為台上演奏嘅澳門樂團大力鼓掌，佢哋一致覺得任姐同仙姐喺《帝女花》電影中嘅片段，同現場演奏嘅管弦樂擦出新火花，意想唔到嘅完全融合喺一齊，絕對要入場觀看先能夠領略到製作人嘅嗰份心思，較為年長嘅觀眾，覺得好似返回昔日喺戲院欣賞《帝女花》電影時嗰段美好時光；而年青一代就覺得係溫故知新，透過現場演出去認識演藝史上咁重要嘅「文化遺產」，佢哋希望呢個結合東西音樂 crossover 嘅精彩演出，可以喺全球各地舞台上欣賞到，令大家了解《帝女花》喺粵劇藝術嘅重要地位。

今次仲結合任姐、仙姐嘅《帝女花》電影片段擦出新火花

今次演出台前幕後盡係精英，包括撰寫音樂會內全部管弦樂章嘅台灣作曲家，兼豎琴演奏家李哲藝譜寫、陳善之同葉家寶擔任製作總監、負責導演、編寫及影音剪接一職係吳國亮、黎宇文擔任監製，仲有香港著名音樂人趙增熹負責現場音響顧問。