一路繁花丨鍾鎮濤帶唔品嚐《繁花》兩大名菜 口述分享劇中被刪剪劇情

鍾鎮濤喺熱播劇《繁花》入面客串從香港嚟嘅大廚一角，令觀眾相當驚喜，呢日佢為節目《一路繁花》介紹返劇中嘅名菜，仲重現返劇中嘅「船王炒飯」同「仙鶴神針」兩道菜。

B哥哥話劇集出街後，好多廚師都當咗佢係行家，仲會同佢傾啲好深入嘅烹飪知識，令佢多咗唔少廚師朋友。B哥哥分享今次《繁花》嘅名廚角色，導演王家衛嘅靈感其實嚟自電影《金玉滿堂》，佢仲話王導拍嘅時候相當講究，由燈光到火爐上嘅火都係一災不苟，B哥哥又指當時拍咗幾個版本，最終先敲定「速度速度」呢個版本出街。

劇中B哥哥係少有會以廣東話上陣嘅角色，佢就分享返當時同劇中經理嘅一段戲，係王導嘅神來之筆，亦令成段戲增添唔少喜感，不過B哥哥話可惜呢段戲最終好似被剪走咗，大家無緣睇到呀。