(有片)李龍基未婚妻被判25個月 到庭心情平靜庭上多次落淚

資深藝人 李龍基 嘅未婚妻 王青霞 早前因使用虛假文書同逾期留港3年等7罪被捕，案件今日於沙田裁判法院提訊，36歲嘅Chris分別承認違反逗留條件、使用虛假文書、管有虛假文書、向入境事務主任作出虛假申述，同埋於香港接受僱傭工作5項控罪，最終被判即時入獄25個月。

其未婚夫 李龍基 約8點45分抵達法院，手持文件嘅佢以招牌粉紅恤衫現身，未有詳細回應現場記者提問嘅佢表現平靜，再次重申待對方出獄就會正式迎娶。不過當佢見到未婚妻出現於犯人欄時情緒就開始激動，先後多次要以紙巾拭淚。