陳妍希再傳婚變消息 有指陳曉提出離婚

憑電影《那些年，我們一起追的女孩》中飾演沈佳宜而爆紅嘅台灣女神陳妍希，喺2014年跟內地男星陳曉譜出「姊弟戀」，兩年後簽紙結婚兼育有一子「小星星」。婚後兩人不時傳出婚變消息，當下月兩人結婚8周年前夕，網上再瘋傳佢哋婚姻出現問題。

陳曉同陳妍希喺結婚8周年前夕傳出離婚消息

有爆料者喺網上開直播，指陳曉喺去年底向陳妍希提出離婚，但未有解釋離婚因由。之後陳曉就冇再返屋企，兼且換埋電話號碼。有指此舉係謝絕陳妍希聯絡，而女方亦只能靠工作人員聯絡上陳曉。

爆料者指稱陳曉離家轉電話，近半年都未有同老婆小朋友見面
並指過去半年內，陳曉沒有跟陳妍希一齊湊「小星星」，而陳妍希亦沒有再去探陳曉嘅劇組班。雖然離婚傳聞炒得火熱，但一對當事人就未有任何回應。

新聞當事人暫未回應婚變傳聞