陳貝兒聖城麥加拍《無窮之路4》遇51.8°C高溫中暑 幸獲親切穆斯林教徒幫助

陳貝兒近年主持TVB旅遊節目《嫁到這世界邊端》及《無窮之路》系列，開心走訪世界及內地不同地方見識，佢不時喺社交平台分享拍攝背後辛酸，早排佢低調出發拍《無窮之路4》，用咗兩個月時間去咗7個國家，先去杜拜、阿布扎比等，暫時用咗一個星期去咗兩個國家三個地方，陳貝兒近日喺沙特阿拉伯聖城麥加遇51.8°C高溫，出現中暑症狀！

陳貝兒低調出發拍《無窮之路4》，用咗兩個月時間去咗7個國家，先去杜拜、阿布扎比等。

陳貝兒喺6月16號喺IG透露喺波斯灣中央拍緊嘢，杜拜、阿布扎比日日攝氏40幾度，加上攝製隊行程緊湊，追趕住時間拍外景，陳貝兒坦言呢幾日喺中東拍咗幾個精彩又感動嘅故仔，收工返酒店嗰陣，總係大汗淋漓成日人虛脫咁。

陳貝兒明白做嘢梗係辛苦，拍紀錄片呢類新聞專題節目，本身就更加係一種非人嘅考驗。

陳貝兒明白做嘢梗係辛苦，拍紀錄片呢類新聞專題節目，本身就更加係一種非人嘅考驗，冇劇本、冇對白、靠成team人嘅現場觸覺同即時反應，除咗體能，仲要靠腦力，陳貝兒稱「年年都係以為已到極限，但係原來年年都可以再有新嘅挑戰新嘅題材拍畀大家睇」。

陳貝兒近日喺沙特阿拉伯聖城麥加遇51.8°C高溫，出現中暑症狀！

陳貝兒今日喺IG貼出身在聖城麥加嘅影片，表示睇新聞嚇咗一跳，原來當地遇51.8°C高溫，有逾550穆斯林熱死，當時佢哋正喺現場拍攝、同一地點日子時間，陳貝兒指佢哋事前做咗好多申請先參與到呢場一年一度莊嚴嘅朝覲，作為非穆斯林嘅佢，可以親身現場報道唯有穆斯林教徒先能夠踏上嘅麥加朝覲路線，呢個上千年歷史嘅朝聖活動，直言呢個機會十分難得。 

陳貝兒今日喺IG貼出身在聖城麥加嘅影片，表示睇新聞嚇咗一跳，原來當地遇51.8°C高溫，有逾550穆斯林熱死。

朝覲係穆斯林團結及順服真主嘅一種展示，每位穆斯林均希望喺人生當中能夠起碼進行一次朝覲，但卻唔係太容易實現，陳貝兒感恩喺攝氏50幾度下拍攝，佢有中暑症狀嘅時候，沿途親切嘅穆斯林教徒「給我在面上噴水讓我降溫，給我糖果讓我補充體力 」，佢祝願往後世上所有穆斯林都能如願並順利平安完成人生中重要非常嘅朝覲。
陳貝兒感恩喺攝氏50幾度下拍攝，佢有中暑症狀嘅時候，沿途親切嘅穆斯林教徒「給我在面上噴水讓我降溫。