資深製作人陳淑芬開直播介紹張國榮紀念展 預告有重要事公布

張國榮經理人、資深製作人陳淑芬（陳太）為慶祝入行周年早前喺澳門舉行紀念展，公開唔少珍藏同昔日巨星嘅靚相，獲唔少圈中好友到場支持，包括加拿大老牌歌王Paul Anka、胡楓、汪明荃、關菊英、狄波拉、唐鶴德、蔡一傑、蔡一智、譚耀文、呂良偉、黎耀祥、陳松伶等喺珍藏展品前打卡留念。

陳淑芬、唐鶴德

展覽反應唔錯，展期亦延長至6月尾，為咗多謝各界支持陳太喺今個星期六晚上開直播，介紹紀念展嘅珍貴展品之外，亦預告會有重要事宣布。

蔡一傑、陳淑芬、蔡一智

其實陳太呢個展覽邀請到唔少圈中猛人幫忙，其中邀請到殿堂級美術指導張叔平，以及攝影大師夏永康擔任策展人，更得到哥哥生前摯愛唐鶴德支持，借出多件張國榮珍藏品，「哥哥」嘅展品就有超過100件之多，吸引唔少「哥迷」捧場。
奚仲文、陳淑芬、陳華國陳淑芬與加拿大老牌歌王Paul Anka