獨家丨譚詠麟曾志偉帶領明星足球隊赴中山作賽 率先體驗月尾通車世紀工程深中通道

香港明星足球隊呢日赴中山作賽，曾志偉亦有同行，除咗去中山同足球隊作賽之外，另一個原因就係佢哋率先體驗月尾先正式通車嘅深中通道，大家覺得特別興奮，衛志豪更化身攝影師全程直擊！

志偉記得以前香港海底隊道，肥姐係首個體驗嘅藝人，今次明星足球隊率先體驗深中通道，覺得好榮幸。作為先頭部隊，黃日華話係一件賞心樂事，希望大家以後可以好好享受。

經歷七年建設嘅世紀工程，全長24公里，集合橋、島、隊、水下互通為一體嘅通道，可以話係當前世界上綜合建設難度至高嘅跨海集群工程，有咗呢條通道由深圳駕車去中山，只需要大約半小時車程；明星足球隊搶先感受，大家心情超亢奮，行到深中通道嘅部分，譚校長仲化身導遊，同大家介紹呢條通道，之後佢仲帶領大家一齊合唱《朋友》，氣氛真係好high呀！

之後大夥兒落車打卡，大家興奮到好似小朋友一樣，李子雄就話感覺好特別兼好難得，而譚校長仲話大橋嘅夜景更加靚。嚟到中山，明星足球隊先醫肚大擦美食，梗係唔少得品嚐中山馳名嘅乳鴿。