近年將演藝重心放喺內地發展嘅台灣女星張鈞甯,日前同韓團SEVENTEEN成員文俊輝,現身蘇州出席一個品牌活動,容光煥發嘅鈞甯,以一身黑色貼身長裙登場,完美展示佢美好嘅身段,嚟到蘇州呢個地方,鈞甯最想去寒山寺打卡,因為讀書時,成日聽聞呢個地方,由於呢次行程緊迫,所以佢未能親身去睇吓。
鈞甯透過多部古裝劇,成功係內地打開知名度,嚟緊佢就話想挑戰演平凡女人嘅角色,令觀眾更有共鳴;做過童星嘅韓團SEVENTEEN成員文俊輝,啱啱度過佢28歲生日,日前佢更推出咗一首新歌,呢首歌原來係比即將畢業或者已經畢業嘅朋友仔,希望藉此向佢哋發放正能量,同埋文俊輝話呢首歌亦代表咗自己一直以嚟嘅信念,努力朝住自己嘅夢想前進。
文俊輝呢次嘅蘇州之行,雖然行程匆匆,但係佢有把握機會去體驗一下搖船,如果有更多時間嘅話,佢好希望可以飲杯茶,食吓點心,享受悠閒嘅一日。
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img__header_superlogo.png)
![myTV SUPER myTV SUPER](/tc/scoopplus/img/icon__header_gosuper.png)