全智賢德國睇波被野生捕獲 兩兒子近照曝光

歐洲國家盃2024正進行得如火如荼，吸引咗唔少人去到德國當地入場朝聖，當中包括熱愛足球嘅韓國女神全智賢！呢日就有網民喺德國球場外，野生捕獲到全智賢同老公崔俊赫、以及兩位囝囝排隊入場睇球賽。
全智賢一家四口到德國睇歐國盃，被網民野生捕獲。（網上圖片）
相中所見，全智賢並無戴明星三件套—太陽眼鏡、cap帽、口罩，只係簡單着住白T外加黑色連帽外套。排隊時着住黑色polo shirt嘅崔俊赫則企喺全智賢身旁，兩位着住荷蘭主隊球衣嘅囝囝就排喺佢哋前面。雖然全智賢全程冇咩表情，但成功野生捕獵佢全家嘅網民就大讚女神超靚，而兩位囝囝亦係個小帥哥。
全智賢熱愛睇足球比賽。