鍾柔美Yumi同甄濟如呢日擔任活動嘅開幕嘉賓,啱啱完成咗中學階段嘅Yumi,日前喺社交平台分享咗喺學校參予畢業典禮嘅相,佢都話自己好唔捨得過去6年嘅中學生活,佢又話當日好多老師與及同學嘅家人搵佢影相。
講到呢次係自己中學生涯最後一個儀式,Yumi就話好開人自己當日可以上到台拎獎,但同時佢話唔希望因為自己拎咗全班第一而畀人覺得自己係show off,又或者當佢係學霸,Yumi指個獎係證明咗佢嘅努力,同埋話到畀大家知係可以學業、事業同時兼顧。
雖然被封為學霸,但Yumi話對下個月放榜嘅DSE都有一定嘅壓力,仲話自己已經諗咗幾個計劃畀自己,最理想嘅當然係入到自己心儀嘅大學啦,而最壞嘅打算可能會去外地升學,不過Yumi就話盡量都想留喺香港,可能到時選讀其他學科。
甄濟如同細佬日前喺父親節當日,為Daddy甄子丹送上驚喜禮物,兩姊弟重演甄子丹喺電影《殺破狼》嘅片段,佢話細個時因為daddy怕佢會受傷,所以冇教過佢功夫,不過好彩自己有跳舞底,所以可以模仿到,加上呢次同細佬一齊拍,所以覺得好好玩呀。
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img__header_superlogo.png)
![myTV SUPER myTV SUPER](/tc/scoopplus/img/icon__header_gosuper.png)