馮允謙末日造型抵酷熱警告拍MV 自我催眠抗熱大叫好凍

「唱作王子」馮允謙（Jay）日前為今年第三首派台作品《在愛面前投降》拍攝MV。Jay喺酷熱天氣警告下化傷妝，著上皮褸、圍巾、皮靴以「末日」造型拍MV，爬高蹲低走過森林，睇落已經覺得熱，但估唔到Jay竟然話：「有啲凍！」

「唱作王子」馮允謙日前為今年第三首派台作品《在愛面前投降》拍攝MV。

大家唔好擔心以為Jay係熱到傻，其實係因工作人員提供退熱貼、降溫噴霧同風扇，加上自我催眠嘅神奇力量，令Jay覺得凍。
 
Jay喺酷熱天氣警告下化傷妝，著上皮褸、圍巾、皮靴以「末日」造型現身。

Jay喺MV以一個「隱形的旁觀者」見證一對情侶，由求學時期到拍拖，男方因病無法繼續相愛，向女方求婚，相約下世再續前緣，呢一段深情告白，令鏡頭外嘅Jay好感動，喺擁抱女主角時流下真眼淚。
 
鏡頭外嘅Jay好感動，喺擁抱女主角時流下真眼淚。

Jay指呢首歌係講同另一半有拗撬嗰陣，係咪一定要拗贏，定係Let it go輸畀對方，其實最緊要係大家一齊，被問今次點解唔做MV主角，Jay表示：「我同導演溝通嘅時候，覺得由其他人演會更適合，因為由讀書到拍拖，我著校服唔係好夾，依家以旁觀者睇佢哋嘅感情發展效果更好，相比我做唔做主角更加重要。」
 
Jay指呢首歌係講同另一半有拗撬嗰陣，係咪一定要拗贏，定係Let it go輸畀對方，其實最緊要係大家一齊。

Jay見到呢對情侶嘅故事，想到自己女朋友，喺衣袋拎出導演用AI為佢設計嘅「女友」相片，Jay鬼馬向工作人員介紹她叫Jenny。今次MV女主角Jackie，曾經喺Jay另一首作品《給缺席的人唱首歌》MV飾演少女版媽媽，今次MV現場都有同Jay「相認」。
今次MV女主角Jackie，曾經喺Jay另一首作品《給缺席的人唱首歌》MV飾演少女版媽媽，今次MV現場都有同Jay「相認」。