鍾柔美Chantel詹天文演唱會7月19號加場 三位美少女將合體出席宣傳活動

姚焯菲(Chantel) 、鍾柔美(Yumi)、詹天文(Windy)三位美少女早前宣布喺7月20號舉行《音樂出沒 Let’s play together》演唱會，開票後更喺短時間內全部售罄，好多撲唔到飛嘅歌迷亦向主辦單位詢問會唔會有望加場，就連三位美少女齊齊許願希望加場。

呢日好消息終於嚟喇！演唱會宣布加開7月19號一場，大家記得要密切留意公售消息。相信三位美少女嘅「飛債」有望還畀買唔到飛嘅家人同朋友。而佢哋將於7 月7號(星期日) 合體出席演唱會宣傳活動，分享今次《音樂出沒 Let’s play together》演唱會嘅預備過程。