黃紫恩笑言怕窮多過怕鬼 波波自稱有辟邪功能

黃婧靈（波波）、黃紫恩（JoJo）、《通靈之王2》冠軍楓燧道長以及導演劉翁日前出席道教晚宴活動，同波波一齊為活動擔任主持嘅JoJo，呢日一改性感形象，以成熟OL造型現身，更笑言怕講錯嘢搞到成晚失眠：「呢日有好多官員名人出席，怕講錯人名同職銜，更加要字正腔圓用普通話翻譯，真係好大壓力。JoJo話自己外遊都曾經遇過靈異事件，不過依家都唔驚喇，因為怕窮多過怕鬼，『窮鬼』先得人驚！」
黃婧靈（波波）及 黃紫恩（JoJo）為大會擔任主持。
而波波就話自己細膽：「因為依家有古靈精怪事，我都會搵我師傅幫手，自己就係最大嘅辟邪法器，咩古怪嘢都埋唔到我身，JoJo頭先話會包養我，外遊一定帶埋我去辟邪。」

同場嘅易烊楓燧道長就話最多圈中人求財，佢笑言叫對方「瞓低賺錢」最容易：「唔好心邪。因為財係冇得求嘅，只要運到就瞓低都搵到錢。其實除咗求財運之外，最多圈中人都話撞鬼求助，不過百份之九十都係誤會居多。」

而劉翁就講笑話天生勞碌命，《通靈之王2》冠軍楓燧道長 及 導演劉翁。好多廣告拍攝進行中，無機會「瞓低賺錢」：「好多師傅話怕老婆先會發達！ 我試驗咗呢個方法係成功嘅。今晚都係老婆(柳瑩）叫我出席活動，第一次參與好有氣氛。」