成龍欽點張藝興做接班人 《傳說》清醒面對「科技回春術」

由唐季禮執導，成龍、娜扎、張藝興主演嘅電影《傳說》，日前喺北景舉行首映禮，一眾主演亦齊齊現身為電影造勢。
 
已經年屆70嘅成龍，雖然仍然身手不凡，不過佢其實都睇緊接班人。

已經年屆70嘅成龍，雖然仍然身手不凡，不過佢其實都睇緊接班人，而喺戲中有多場親身上陣動作戲嘅張藝興，就得到成龍親自指點並讚賞：「我還有20年退休，之後你就接我的班。」睇嚟張藝興未來可以繼續向武打演員身份發展喇！
 
張藝興就得到成龍親自指點並讚賞。

至於電影最大焦點，就莫過於戲中有戲份係利用A.I技術令成龍「回春」變成27歲後生仔，而且效果做得非常逼真，令所有觀眾都大感驚訝。但儘管「科技回春」做得再好，成龍未有沉醉於屬於一時嘅青春幻覺，反而好清醒同大家講：「少年我回不去，但是電影可以，但還是喜歡我現在，現在我覺得很好很開心。我很喜歡自己可以老，我現在很開心。」不過最後成龍都幽默補充，表示如果可以打一針令佢回到青春，佢都願意接受。
成龍「回春」變成27歲後生仔，而且效果做得非常逼真，令所有觀眾都大感驚訝。