Whitney許芷熒誕七磅重細仔Adrian 憶陀B辛酸：4年抱3真係要休息吓！

2011年度香港小姐季軍許芷熒（Whitney、前名：許亦妮）喺2019年同圈外男友Alexander Fung拉埋天窗，婚後育有一仔一女，今日喺IG宣布7磅重嘅細仔Adrian出世，好開心上天賜多一個兒子畀佢，又指細仔比家姐同哥哥出世時更重。

許芷熒今日喺IG宣布7磅重嘅細仔Adrian出世，好開心上天賜多一個兒子畀佢。

Whitney笑指如果從前有人對佢講，自己會有三個孩子，Whitney會覺得件事好瘋狂，而家真係成為三孩之母，佢坦言唔要求阿仔成為一個讀書成績考第一嘅人，希望阿仔能夠成為一個善良、有愛心、有責任感嘅男人，長大後能為社會及世界貢獻，「希望你會成為一個會愛錫太太的好丈夫，一個好爸爸」。

Whitney又指好珍惜陪伴仔女一齊成長嘅時光。

Whitney又指好珍惜陪伴仔女一齊成長嘅時光，又指由於細仔Adrian喺肚裡郁得最多，感覺可能會早產，Whitney透露陀第三胎嘅辛苦過程：「可能隨時會穿羊水，但三弟弟很乖仔，沒有早出來，真的耐心地等待出來，臨生這個寶寶之前，真的是來回地獄又折返人間，肚經常痛，經常會有子宮收縮的感覺，我總是覺得自己會早產，但老公不停叫我一定要堅持正能量。 我也不敢動太多，每次感覺子宮收縮就告訴自己『放鬆，放鬆，relax、relax』 半夜要去好多次洗手間，坐骨神經痛到擰轉身沖廁所，彎腰及瞓低起身都痛到大叫。」

2011年度香港小姐季軍許芷熒喺2019年同圈外男友Alexander Fung拉埋天窗，婚後育有一仔一女，近日家庭再添新成員。

Whitney暗示封肚，「今次應該是最後一次懷孕了，幾辛苦我都要忍住」，呢啲苦楚及辛苦，將來會係珍貴回憶，Whitney笑言公有問佢想唔想再生多個女，但係Whitney覺得3個已好幸福好滿足，而且連續2年喺大肚狀態，Whitney想好好enjoy一下輕鬆嘅肚皮，4年抱3真係要休息吓！
許芷熒4年抱3，暗示「封肚」，想好好enjoy一下輕鬆嘅肚皮。