青霞獲頒獎與徐克互窒難搞 湯唯經理人退休感恩17年照顧

「大美人」林青霞 呢日一身桃紅打扮現身一個頒獎典禮，同 湯唯 一齊接受獎項，而青霞更係由多年好友手中 徐克 接過獎項，令更加有紀念價值。佢哋曾先後合作過《蜀山》、《刀馬旦》、《我愛夜來香》、仲有《東方不敗》等6部經典作品，呢晚就分享過往相處嘅酸與甜，兩位好友仲互相取笑對方難搞又要求高。

而呢晚湯唯同樣獲獎嘉許，佢自謙只係一位普通演員，只要觀眾喜歡演出已經係最幸福嘅事，佢仲公開感謝家人同朋友，仲特別點名鳴謝香港經理人，合作17年來尤如自己嘅「香港媽媽」一樣，講時仲一度哽咽，仲指冇對方就唔會有自己，對方決定退休令自己非常感觸。