陳懿德鄧凱文全白亮相靚爆鏡 向新一屆港姐準佳麗傳私藏心得

陳懿德 同 鄧凱文 呢日一齊出席一個品牌活動，齊齊以全白靚靚打扮現身嘅佢哋，仲分享當年參選港姐嘅心得，仲特別提醒即將接受第二輪面試嘅準師妹幾樣貼士呀。

好似德德就話要秉持初心同唔好迷失自己，雖然每次競選都只有一位冠軍，不過贏家就一定唔只得一位，所以一定要好好努力呀。至於Eris就話其實參加選美甚至賽後最大嘅競爭者其實係自己，所以不斷要令自己進步咁話。

參與《福祿壽訓練學院》集集以唔同造型亮相嘅德德，又提到希望有機會繼續做唔同節目司儀，目標係踏入壹廠主持直播節目，而早前節目巡禮佢首次接下重責，呢日佢就講起都有啲激動，希望可以再上一層樓呀。