Lisa跟大隊台灣拍《武林》 演員組抵埗即衝夜市開餐

月前開拍嘅新劇《武林》早前到台灣拍攝外景，有份演出嘅 周嘉洛 吳偉豪 江嘉敏 游嘉欣 仲有 鄺潔楹 吳子冲 同埋 再次合作嘅 蔣祖曼 黃智賢 ，就齊齊出發往當地取景，而呢日 謝嘉怡 仲Post出一抵埗當晚，大家同遊當地著名夜市嘅開心時刻，首次體驗知名夜市文化嘅Lisa更加可以話雙眼發光呀。

Lisa被捕捉到見到美食雙眼發光嘅表情

Lisa就話第一次到訪感覺非常新奇，見到咁多唔同街頭美食非常有趣，而自己最喜愛嘅就係燒麻糬咁話喎。

齊齊出動去夜市掃街，真係見到都開心《武林》大隊早前到台灣拍攝外景

喺相片見到大家手中唔係有杯飲品就係揸住一盒小食，雖然藝人要對身段有嚴格管理，不過依劇集監製 陳維冠 過往作品嘅大堆頭連場動作場面，一班演員食多少少美食應該都會好快被消耗喇。

新劇早前開鏡，相信題材畫面會令大家耳目一新