玉女掌門人周慧敏與「綺夢」張敏激罕合體 30幾年未見友情不減

「玉女掌門人」周慧敏（Vivian）日前喺溫州登台開唱，雖然周慧敏年屆56歲，但風采依然。呢個騷促成佢同「90年代女神」張敏合體見面，已淡出娛樂圈多年嘅張敏長居內地，當年性感「綺夢」而家氣質優雅，容顏未見留有太多歲月痕跡。網民一見二人合照，紛紛大讚兩位靚爆鏡，形容呢張相係「女神級見面」。
 已淡出娛樂圈多年嘅張敏長居內地，當年性感「綺夢」而家氣質優雅，容顏未見留有太多歲月痕跡。

周慧敏同張敏為呢次見面各自喺社交平台分享重逢喜悅，周慧敏冇諗過溫州表演，造就佢哋重逢：「以為妳只是說說，驚訝妳真的大老遠到來看我。在台上一眼看到妳那刻，恨不得馬上走下台與妳相擁。三十多年沒見，原來無論世界怎麼變，只要在妳旁，就被妳滿滿的愛擁抱着，一如既往。」
 「阿敏」周慧敏與「文文」張敏飾演口水霑美女幫手。

張敏嘅文字則充滿仙氣，表示二人已三十年未見，以美酒形容友誼，大讚Vivian凍齡有術：「今夕何夕，佳人依舊，三十載風雨，時光的齒輪未曾在你身上留下痕跡，亦不曾疏遠你我的距離。你我之間的友誼便是那陳年的美酒，任憑歲月在彼此身上醞釀出醇厚的氣息」、「你宛如一首流淌在時光長河中的經典老歌，歌詞深邃，旋律動人，即使歷經三十載春秋更迭，依然以那不變的韻味撩動着世人的心弦」。
周慧敏同張敏因拍攝王晶監製嘅結緣，電影《精裝追女仔之3狼之一族》距離而家已35年。

周慧敏同張敏因拍攝王晶監製嘅結緣，電影《精裝追女仔之3狼之一族》距離而家已35年，即使多年未見，但佢哋嘅友誼依舊，呢份情真係非常可貴！
網民一見二人合照，紛紛大讚兩位靚爆鏡，形容呢張相係「女神級見面」。「玉女掌門人」周慧敏日前喺溫州登台開唱，雖然周慧敏年屆56歲，但風采依然。周慧敏同張敏為呢次見面各自喺社交平台分享重逢喜悅，周慧敏冇諗過溫州表演，造就佢哋重逢。