有內地娛樂平台同 TVB官方微博合辦一個 「你心中的TVB記憶」活動,早前活動圓滿結束, 而 歐陽震華 就成為網友投選嘅「民選視帝」。
歐陽震華近日於一個網上選肇獲選為民選視帝
近日宣佈簽約新公司闖影壇嘅 歐陽震華 ,2000年憑《洗冤錄》於《萬千星輝賀台慶》,獲得「我最喜愛男主角」及「我最喜愛的電視角色」兩個獎項;到07年佢更憑台慶劇《賭場風雲》,入圍第35五屆國際艾美獎嘅最佳男主角,更昂然入選最後5強,成為首位香港男藝人獲提名呢個國際性獎項。
當年《洗冤錄》令Bobby一舉獲得我最喜愛男主角同我最喜愛電視角色兩獎
今次「你心中的TVB記憶」全民投票中,成為民選視帝,仲有唔少網友恭賀指佢可以話實至名歸。
《誇世代》亦係Bobby嘅得意之作
歐陽震華 多謝主辦呢次視帝視后選舉嘅單位之餘,仲話要多謝廣大觀眾對自己多年支持同愛戴。佢仲透露簽約新公司之後已經有唔同安排:「已開始陸續工作,應該再下個月會到馬來西亞拍攝電影,希望喺呢個新環境下,可以俾到各位觀眾一啲新嘅睇法,希望各位觀眾接受我呢位作出新嘗試嘅演員,我會加倍努力,報答各位觀眾粉絲。」
Bobby最近宣佈簽約新經理人公司,仲準備拍攝電影