張曦雯返回幼稚園母校獲師弟熱情擁抱笑開懷

踏入七月份，好多學校陸陸續續舉行結業禮或畢業禮，呢個時候亦回勾起唔少離開校園嘅人，憶起讀書時既點點滴滴。張曦雯就喺社交平台分享自己返回幼稚園母校嘅片段，Kelly除咗上台分享自己校園生活，又藉機探望昔日老師，兼且睇番自己當年嘅畢業相。

Kelly張曦雯重返當年就讀嘅幼稚園，仲見返曾教過自己嘅老師當年Kelly唔知有冇份參加王子公主會呢？

喺一班師弟師妹面前出現，Kelly頓時成為大家目標人物，當中有小師弟更熱情向Kelly投懷送抱，氹得Kelly不知幾開心，短短嘅相聚經已令Kelly充滿回憶同快樂片段，佢喺帖文寫上回到自己一切開始嘅地方，跟幼稚園老師來個擁抱，見到老師們不斷培養快樂嘅孩子們。令佢內心非常滿足充實，感謝母校哉培咗一代一代嘅學生。