苗僑偉夥陳家樂拍警匪片 袁詠儀同處大馬為新戲開鏡

苗僑偉、姜皓文、周秀娜、陳家樂、胡子彤同張文傑等人齊集馬來西亞吉隆坡，為警動作劇集進行開鏡儀式。

齊人大合照。

身兼演員及總監製嘅李璨琛話劇集講述 六、七十年代，香港動蕩下發生嘅故事，佢喺劇中飾演一代毒梟「跛豪」，佢話：「做演員只要熟讀劇本、演好角色，但是監製就好像軍師一樣，從故事題材、事前籌備等基本上每一個部分都要參與直至拍攝完成，還有後期製作，雖然很大挑戰，付出得更多，不過能學習到做演員以外的事物，兩者之間是可以取得平衡沒有抵觸的。」
三哥與眾演員自拍。苗僑偉

三哥相隔近六年再赴馬來西亞拍戲，佢話大馬人一樣咁熱情，劇迷對香港演員特別熱情同歡迎。陳家樂喺劇中飾演一個極具正義感嘅角色，同苗僑偉、姜皓文以及李璨琛有極多對手戲，佢話接到角色時好興奮：「香港人對這個傳奇世代、當時的傳奇人物不會感到陌生，拍這部劇不止可以時光倒流回到六、七十年代，加上又一大班熟悉的香港演員朋友一起過來馬來西亞拍戲，感覺好像度假。」

陳家樂.jpg

即將升格當爸爸的陳家樂，透露會喺拍攝中段請假回香港，陪太太連詩雅迎接寶寶的誕生，佢開心話：「呢個假期一早已經申請咗，希望寶寶順利出世，安頓好也會趕快回到劇組，不想影響大家的拍攝進度。」
 袁詠儀等演員齊集馬來西亞為2025年賀歲片進行開鏡儀式。
靚靚袁詠儀同樣喺吉隆坡為2025年賀歲電影開鏡，今次佢會聯同大馬女神Miko黃潔琪、陳峰、童繽毓同劉界輝等合作，靚靚仲會同Miko飾演母女，初次擔演電影就同影后做對手戲，Miko話「知道同影后靚靚一齊拍戲好緊張，而且當中有場口要同靚靚做對手戲就更加緊張到手心冒汗！事前已經睇好劇本做好準備，不敢怠慢，希望可以好好發揮，一直都好想畀大家睇到我唔同嘅面向。」Miko仲透露準備來港邊工作邊讀演戲班進修。
袁詠儀 與 Miko Wong。