TVB總經理曾志偉,呢日拉大隊去到馬來西亞吉隆坡,出席《中年好聲音3》新馬賽區記招,呼籲唱得之人踴躍報名,現場逼爆大批粉絲。呢日兩屆《中年好聲音》嘅冠軍 周吉佩 同 古淖文 ,以及大馬代表 沈宗賢 都有大騷唱功,成功炒熱現場氣氛。
四位評審肥媽Maria Cordero 伍仲衡 周國豐 同 張佳添 都有親自去到當地,希望發掘有潛力嘅明日之星,當中伍sir嘅人氣完全唔輸一眾歌手,尤其佢一口特色港普,一開口就氹得大家非常開心。
吉吉、German同Sean一場來到當然唔止唱歌咁簡單,佢地以過來人身份分享參賽心得,German就話最重要係用心,同埋要慎選歌曲。而Sean就話身邊已經有好多朋友報咗名啦!
除咗新馬,《中年好聲音3》今次嘅海選範圍將會擴大至大灣區,總經理曾志偉就話,好期待見到來自唔同地區嘅高手,相信高手過招一定會令節目更加精彩。
登入後即可查看我的收藏
登入後即可查看瀏覽記錄