鄭佩佩離世丨錢嘉樂感激前輩無私教導 佩佩姐事業高峰息影嫁人8次懷孕4次流產

一代武打女星鄭佩佩喺美國時間7月17號離世，享年78歲。喺19號朝早，家人透過經理人公司發公告證實噩耗，佩佩姐愛女原子鏸喺社交平台發文盡現不捨之情。
一代武打女星鄭佩佩喺美國時間7月17號離世，享年78歲。

錢嘉樂同佩佩姐相識多年，返回電影城錄節目時有憶述兩人相處點滴，佢話收到消息係非常難過、驚訝同不捨，嘉樂話佢哋經已有兩、三年冇見。當年自己有份參演電影《色戒》要感激佩佩姐，因為李安導演要面試識講普通話嘅演員，但嘉樂真係講唔到兩頁紙對白，最後求助佩佩姐，對方好好錄晒兩頁紙對白，最後佢就跟佩佩姐語氣同發音去同李安面試。
佩佩姐育有三女一子，佩佩姐喺1987年離婚後重返影壇。

佩佩姐喺1963年畢業於南國寶驗劇團加入邵氏電影公司，首部演出電影係《寶蓮燈》，片中反串男角而被受矚目。喺1966年佩佩姐主演著名武俠片導演胡金銓名作《大醉俠》，奠定俠女形象。佩佩姐喺事業高峰期選擇嫁台灣商人原文通，婚後息影定居美國，並育有三女一子。佩佩姐喺1987年離婚後重返影壇，喺1993年憑電影《唐伯虎點秋香》飾演華夫人，跟周星馳經典對手戲令觀眾印象深刻。
佩佩姐喺1963年畢業於南國寶驗劇團加入邵氏電影公司，首部演出電影係《寶蓮燈》，片中反串男角而被受矚目。

2000年憑李安執導嘅《臥虎藏龍》，佩佩姐飾演碧眼狐狸再現武俠女星風範，憑角色獲得《香港電影金像獎》最佳女配角，佩佩姐喺2018年更獲《第24屆華鼎獎》「終身成就獎」，當日原子鏸更陪同媽咪盛裝赴會領獎。
佩佩姐同前夫育有四名仔女，兩位女兒原麗淇同原子鏸先後喺幕前發展。

除咗電影獎項，佩佩姐喺2015年獲頒「英藝獎」，以表揚香港藝人喺內地發展有好成績，佩佩姐領獎時指自己從演超過半世紀，自己代表香港人，無論去到世界邊個角落，都係香港演員，保持香港演員嘅專業。近年佩佩姐好少喺幕前演出，最後一套電影作品係2020年嘅真人版《花木蘭》中飾演媒婆。

佩佩姐愛女原子鏸喺社交平台發文盡現不捨之情。

佩佩姐同前夫育有四名仔女，兩位女兒原麗淇同原子鏸先後喺幕前發展，而孻仔原和玉身兼製作人同健身教練。佩佩姐思想傳統，曾經喺訪問中講過要為三代單傳嘅原家生一個仔，最終經歷八次懷孕四次流產，誕下三女一子。子女們對佩佩姐愛護有加，喺媽咪晚年時陪伴身邊。心胸豁達嘅佩佩姐早已看透生死，曾經透露離世後成為大體老師，遺愛人間。