韓星李善均遺作上映 拍檔憶述故友難掩不捨

已故韓國男星李善均雖然喺2023年自殺身亡，但係佢嘅遺作仍然陸續上映延續佢精彩演出。

曹政奭、劉宰明、全裴修、宋英奎同崔元英。

有份參演佢遺作嘅曹政奭、崔元英、全裴修等一眾演員出席發佈會，大家都有講到同李善均合作嘅點滴。曹政奭憶起故友都眼泛淚光，佢話跟對方合作無一刻係唔開心，雖然自己好少講笑話，但每次一講，對方都有回應，係一位好好嘅哥哥。先後跟李善均有合作過嘅全裴修，佢話故友一直都好關心身邊唔太合群嘅朋友，做咗啲幫助都唔會出聲，呢點令佢好感動，亦好掛念故友。
李善均於去年離世。
新戲講述1979年總統遭暗殺事件，多位律師對簿公堂，展行韓國近代史上極為嚴重嘅一場政治審判，飾演軍方檢查官嘅崔元英就話大家拍攝時都好認真，為咗更入戲，喺現場慘變孤獨精，以免影響演出時情緒。
曹政奭 與 劉宰明。