MC張天賦、何超蓮同歸綽嶢(Nancy)出席一個品牌活動,久未露面嘅何超蓮,全程笑容滿面 ,以一身紅色長裙打扮現身。
小師妹Nancy著上5吋高跟鞋,驟眼睇MC跟Nancy差唔多高。
小師妹Nancy著上5吋高跟鞋,驟眼睇MC跟Nancy差唔多高。MC受訪時表示係「不公平」嘅狀況發生,指男仔唔可以着一對5吋嘅鞋出席活動:「如果唔係,我覺得可以撼過。」身旁嘅Nancy聞言忍唔住偷笑。MC又指呢日自己好努力挺腰,係挺得最直嘅一日,被問MC下次會唔會叫師妹Nancy唔好著高跟鞋,MC笑指弱小都係台風。
被問MC下次會唔會叫師妹Nancy唔好著高跟鞋,MC笑指弱小都係台風。
聽到師兄咁講,Nancy即場扮蹲低:「我可以就吓佢嘅。」MC透露自己係一個唔夠自信嘅人:「我會有把聲去說服自己,上到台唔好咁尷尬,最後我得出個結論,即使你尷尬都好,你要為呢個尷尬自豪,你唔好因為呢個尷尬而尷尬,咁就係你自己嘅嘢喇!」
MC將再度推出自己寫嘅歌曲,想去外地拍MV。
早前推出《百萬大道》之後,MC將再度推出自己寫嘅歌曲:「我寫嘅歌單裏面,缺少咗一首三拍嘅歌,於是呢首會係我第一首三拍嘅歌。應該係8月中或尾出。」MC暫時未拍新歌MV,,不過已知將會去外地拍攝:「想出外走吓嘅,大家都知我唔敢搭飛機,近近哋咪算,最好機程係2至4個鐘。」