黃浩然38年家族海味生意數碼轉型 廣告拍攝經典舊照曝光

黃浩然無論喺演戲或經營老字號海味店生意都抱住勇於創新求變嘅精神，隨住時代不斷向前發展，浩然及其家人努力經營海味家族生意38年，顯出無比堅毅，浩然及其生意皆係一間銀行數十年嘅客戶夥伴，一齊攜手走過數十載，呢次佢以真實客戶用家身份，分享善用數碼化服務嘅好處，讓浩然喺生意管理上省卻不少寶貴時間，能妥善分配演藝、生意及照顧家庭。

黃浩然指演戲及營商需要前瞻及創新。
浩然家族經營海味生意38年，高峰期一街8間舖，緊貼時代不斷轉變，翻開經典舊舖照片時，浩然感慨時光飛逝，其年輕造型及至十年前抱住大兒子Kayden為新舖開張，浩然屋企做海味、零食生意，自己係創辦人第二代，佢好記得細個嗰陣，阿媽每日喺銀行花一粒鐘排隊入一張又一張支票，而家網上辦妥所有理財，一部手機就可以處理妥當。

黃浩然1997年為威利麻街新店開張揭幕。
浩然今次因拍攝廣告，搵咗好多有紀念價值嘅舊照片，好似1997年佢負責為最歷史悠久嘅一間舖頭揭紅紙，睇到舊照片令佢勾起好多回憶，浩然指當年威利麻街一條小小嘅橫街，臨過年大家都在辦年貨，佢哋一家總動員就幫手，喺街上拉起橫額好有氣氛，高峰期佢哋一條街有8間舖，而家一啲幾十年嘅舊客，閒時都嚟買嘢同傾偈。 

黃浩然抱大仔出席新舖開張1997年。
浩然指家業營運多年有好大轉變，以前只有門巿做生意，經歷疫情後，而家有網購，與從前好大分別，不過佢哋堅持有實體店，維持人與人之間嘅溝通，因為好多熟客幫襯咗好多年，近年佢哋舖頭有好多香港製造嘅產品，好希望保持香港文化。浩然認為無論做演員或做生意，要打穩基礎，因應自己狀況去定一個目標，向呢個目標大膽創新。 

裕生2007年開業。裕生老闆黃浩然姨丈阿姨。