姚焯菲備戰公開試未能返港慶祝18歲生日 小菲象安排連串慶祝活動炮製驚喜

9月22號係姚焯菲（Chantel）18歲生日嘅大日子，Chantel目前喺新西蘭留學努力備戰公開試，未能返港慶祝，不過小菲象趁Chantel生日當天喺旺角鬧市安排慶祝活動，過百位小菲象越洋為Chantel送上祝福並大合唱生日歌，小菲象早前亦剪輯Chantel成長片段作賀禮，非常有愛！
22號係Chantel嘅 18歲生日。
小菲象除咗準備流動宣傳車，更安排大型廣告宣傳Chantel新歌，現場有歌迷派發應援物品，以及街頭busking，場面好熱鬧，Chantel一直透過視像跟小菲象隔空慶生，佢都覺得呢個18歲生日好特別。
小菲象喺旺角為Chantel舉行生日應援活動。
Chantel受訪時話指第一次聽小菲象唱歌感覺好驚喜，佢亦好感激歌迷嘅生日祝福，雖然Chantel唔能夠回港慶祝生日，佢都好開心見到小菲象舉行呢個慶祝活動，順便幫佢嘅新歌宣傳；18歲踏入人生第二個階段，Chantel透露之後屋企人都會過嚟陪佢，今年生日願望係考好成績，呢個禮拜花咗好多時間、好多心機、好多眼淚去準備呢個考試，希望考出嚟嘅成績係好嘅。
Chantel接受視象訪問。

小菲象嘅應擾活動一浪接一浪。