張頴康兌現與太太浪漫歐遊承諾 麥雅緻曬甜蜜咀嘴相羨煞旁人

張頴康早前為新劇《巨塔之后》飛去布柆格取景拍攝，並兌現同太太麥雅緻拍拖時承諾，婚後生完一個又一個，欠咗太太歐洲之旅成十幾年，終於有機會享受二人世界，撇甩3個仔女，嚟一個浪漫歐遊之旅，麥雅緻喺旅程結束返港一個禮拜先開始分享佢哋旅行甜蜜照片，噚日先喺社交平台貼出咀嘴相！

張頴康早前為新劇《巨塔之后》飛去布柆格取景拍攝，老婆陪佢一齊同行。
麥雅緻指今次經歷大風大雨，天氣急速下降至3至5度，笑稱二人果然係要經得起考驗先可以行落去，張頴康同麥雅緻由捷克CK小鎮（庫倫洛夫）出發，一直公路旅程去德國「國王湖」及奧地利，佢哋一連6日完全不分晝夜冇停過落雨。

張頴康曾自爆欠咗太太歐洲之旅成十幾年，呢次終於有機會享受二人世界。
麥雅緻開心稱二人喺風雨中，每日都充滿歡樂，原來同行仲有2位演員朋友，一行四人更變成「一家人」，又因奧地利星期日商戶大多冇營業，佢哋就用垃圾袋改裝成雨衣， 全程充滿歡笑，張頴康仲為大家煮飯，呢「一家人」建立珍貴友誼，令呢段回憶更難忘。

張頴康喺2012年跟拍拖四年、港姐出身的麥雅緻結婚，二人被譽為圈中模範夫妻，至今仍然非常恩愛。張頴康入行以來保持零緋聞，是圈中的絕種好男人。麥雅緻曬甜蜜咀嘴相！

不少圈中好友大讚佢哋好恩愛。

麥雅緻開心稱二人歐遊之旅喺風雨中，每日都充滿歡樂。佢哋同行仲有2位演員朋友，一行四人更變成「一家人」。