費達拿上海參加大師賽孖陳奕迅做拍檔 親身指導鼓勵山區小球手努力追夢

網球傳奇費達拿（Roger Federer）2022年因傷患退役，最近佢現身上海參加大師賽，孖陳奕迅做拍檔，出賽前亦亮相公益活動，親自指導內地偏遠山區熱愛網球嘅小朋友。

已退役嘅球星費達拿到上海參加網球活動
費達拿落場指導球技，當聽到山區小球手曾懷疑自己係咪可以走上職業賽場時，費達拿就鼓勵小球手要繼續追夢，指所有人都會自我懷疑，唔好誇大或低估呢啲情緒，有時會想放棄比較好，當佢輸咗比賽時心情沮喪都有諗過退出球壇，費達拿覺得打網球係有起有落，要時刻作戰，慢慢深入自己心靈搵答案，最重要係跌倒要企番起身。
佢又同一眾小球手切磋交流費達拿退役後亦有多咗一個身份，佢早前獲美國長春藤名校達特茅斯學院頒授榮譽博士學位，不時入學校講talk，以網球比喻人生，佢勉勵學生面對得失，唔好輕易放棄！費達拿此次上海行程密密麻麻，佢盼望有時間行博物館，同埋去特式餐廳品嚐當地美食。

當然唔少得同大家分享佢多年來嘅得著