鍾麗淇患罕見病大女脫離支架走路參與運動會闊步向前行展現堅強意志

鍾麗淇（Margaret）大女Isabella於六個月大時，被診斷患上罕見基因病「四號染色體缺損綜合症」（Wolf Hirschhorn Syndrome），患者四肢無力，不能自行走路，缺乏自理能力、發展遲緩，更被醫生診斷活不過2歲，媽媽鍾麗淇一直陪伴大女積極接受治療，於家人悉心照顧下，大女已學用助行器走路。

媽媽鍾麗淇一直陪伴大女積極接受治療，於家人悉心照顧下，13歲大女已學用助行器走路。
鍾麗淇噚日喺社交平台貼出一條影片，見大女Isabella參加學校運動會，可以脫離助行器，靠自己企起身，沿途由旁人扶住闊步向前行，鍾麗淇感動留言稱呢個就係自己努力同堅強嘅動力，喺生活上遇到困難，好容易講「I can’t do this, it’s so hard（我做不到，這太難了）」，只要有希望、毅力、精神同身體上嘅鼓勵訓練，就會實現一啲看似不可能嘅目標。

鍾麗淇大女Isabella曾被醫生診斷活不過2歲。
鍾麗淇好開心見到大女Isabella堅強意志，身體同精神變得如此強大，見到阿女嘅笑容洋溢著快樂，正因為阿女永無止境嘅學習同耐力，「並且正在給媽媽上很多課。愛你，我的愛人…媽媽的心充滿了❤️‍❤️‍❤️‍」。鍾麗淇早年淡出娛樂圈後成為瑜伽教練，2010年結婚後與丈夫育有大女Isabella同細女Michela，細女亦一直好愛錫家姐，一家人給予Isabella好多愛同支持。