AGA江海迦拍MV首挑戰吊威吔 請台灣怪物新人李沐演出彩蛋

AGA 江海迦全新概念大碟《Writer’s Block》嘅第2首單曲《Unfamiliar City 陌生之城》剛剛推出， MV 更落重本遠赴台灣取景，MV延續上一首歌《DRUNK DIAL》嘅故事，AGA仲先後以 10個造型上陣，當中包括有少女風、童話風、更有Rock女打扮，唔少都係AGA從未嘗試過嘅風格，再配合CG製作打造出夢幻場景。

AGA嘅新歌MV以多種唔同風格演出

MV中嘅AGA有如闖入奇幻世界
AGA今次更首度挑戰吊威吔，一吊就吊足兩個鐘，AGA多得工作人員貼心照顧先順利拍攝完畢，佢話「因為長時間拍攝，我一直要做拗腰動作，所以身體會比較痛，但在場有專業人員一直指導同幫忙，所以拍攝過程雖然長但好順利同放心。」
今次佢又首嘗吊威吔滋味

今次MV遠赴台灣取景，其中一個主要原因係睇中台南林百貨嘅著名古董指針式電梯，同大碟概念中所幻想嘅古董電梯不謀而合，成為MV內標誌元素。另外台南全美戲院亦係神來之筆，裡面舊式嘅座椅完全配合AGA MV中嘅復古造型。
今次為尋找配合故事嘅場景，AGA同團隊特別飛往台灣拍攝

MV尾段亦安排一個大彩蛋，AGA喺古董升降機遇見台灣怪物新人演員 李沐 飾演嘅另一位住客，為下一章留下伏筆。

李沐喺MV中嘅出現，仲被認為係下一章嘅伏筆