44歲熊黛林大曬完美身段出身汗 爆老公鍾意街頭健身玩人旗

44歲熊黛林（Lynn）同郭可盈胞弟郭可頌喺2016年結婚，婚後育有一對雙胞胎女兒Kaylor同Lyvia已經6歲大，熊黛林與老公郭可頌早前甜蜜慶祝結婚8周年，熊黛林近日擔任健身品牌代言人，大曬健康形象與完美身段。

熊黛林近日擔任健身品牌代言人，大曬健康形象與完美身段。
熊黛林坦言一口答應擔任代言人，佢覺得成件事好鼓舞，皆因佢已經唔係少女，結咗婚生埋兩個小朋友仲係保持狀態，相信係每個人夢寐以求嘅事，無論咩年齡保持身心健康都係至關重要，而自己本身都好鍾意做運動，仲話要畀埋會藉老公、兩個女、媽媽同所有親戚一齊去做。

44歲熊黛林保養得宜，亦好注重養生。

，熊黛林與老公郭可頌早前甜蜜慶祝結婚8周年。
熊黛林自爆而家好養身，除咗日常補品之外，運動亦不可或缺，一星期有4至5日要郁吓，幾忙都要做運動，出身汗就舒服好多：「以前我就會去健身室等老公，而家雖然唔會一齊做運動，但都各自健身保持身體健康，以前我就會練線條，而家照顧屋企冇雖然冇咁多時間，但唔可以畀自己肥，而家我老公就鍾意街頭健身，玩人旗，好犀利！」

熊黛林與郭可頌婚後育有一對雙胞胎女兒Kaylor同Lyvia。

熊黛林平常有做開運動保持體態。