鄺文珣晒與老公生活日常 由甜蜜對望變男女混戰

喺劇集《鹿鼎記》入面飾演可愛小郡主沐劍屏嘅鄺文珣，2006年同老公應德榮結婚後，就一直專注家庭，眨吓眼佢同應德榮已經結婚18年，但二人依舊恩愛如昔，兩公婆仲不時會拍片放上社交平台，分享佢哋嘅生活日常。日前鄺文珣就將佢同老公平日影落嘅相同片剪輯成短片，唔少網民都話睇完佢兩公婆嘅相處方式，畀佢哋笑死呀！
鄺文珣同應德榮育有兩子一女。
條片以鄺文珣同老公喺車廂內合唱陳奕迅嘅歌曲《我不好愛》做墊底音樂，起初條片充滿粉紅泡泡，好似互相心心眼對望、以鏡頭表示老公/老婆眼中嘅另一半、恩愛合照等等，但當條片播到佢哋一齊喺床上敷面膜嘅鏡頭時，畫風就即刻變成男女混戰，敷住美國隊長面膜嘅應德榮，不斷用枕頭拍打敷住Iron Man面膜嘅鄺文珣，相當搞笑。

兩公婆不時會喺社會平台分享生活日常。二人結婚多年依舊恩愛。
片尾亦由兩公婆喺車內甜蜜對唱，變成互相抱怨，應德榮話老婆鄺文珣嘅和音搞到自己唱到走音，而鄺文珣則詞不達意話老公應該遮住耳仔，聽到應德榮一頭黑人問號，難怪鄺文珣喺帖文中寫道：「夫妻的甜蜜日常，很平凡但很實在。能有一個願意陪你瘋瘋癲癲的人在一起，這真的是很浪漫的事情@andrewyingtw」。
二人結婚多年依舊恩愛。
當年鄺文珣喺劇集《鹿鼎記》入面飾演小郡主沐劍屏。當年鄺文珣喺劇集《鹿鼎記》入面飾演小郡主沐劍屏。