李多慧遇傳媒跟蹤哭喊報警 現身活動問題先過濾避談

由韓國跨海到台灣發展嘅啦啦隊女神 李多慧 ，日前同男友仲有經理人揸電單車環島，不過臨返屋企時就發現被狗仔隊跟蹤，搞到佢即時去報案，又聲淚俱下指非常擔心。但係相關傳媒就反擊指李多慧一行人多次違反交通規則云云。

李多慧早前被狗仔隊跟拍而要報警處理
呢日佢現身一個產品活動，全部問題都要先經公關過濾，而李多慧表演時同受訪時亦似乎未受事件影響喎。至於此行嘅難忘事，佢就話除咗由頭攰到落腳之外，仲經歷超大風雨，其中屁股同右手仲因為長期揸車而非常痠痛。
雖然事隔幾日，不過呢日活動仍然要過濾相關問題

每到年尾都係藝人活動嘅旺季，而佢亦都話今年聖誕同新年都會留喺台灣工作，仲話有時間的話希望可以同Fans一齊度過咁話。

呢日佢仲指年底會留喺台灣，希望有機會同Fans共聚喎