萬千星輝賀台慶｜紅地氈星光熠熠 馮盈盈邵初無懼低溫低胸性感上陣

一年一度嘅《萬千星輝賀台慶》隆重舉行，全台逾300藝員傾巢而出為台慶落力演出，開騷前一眾藝員亦盛裝踏上紅地氈，包括陳豪、胡定欣、馬國明、高海寧、譚俊彥、張曦雯、陳山聰、蔡思貝、陳展鵬、林夏薇、羅子溢、姚子羚、張振朗、劉佩玥、蕭正楠、陳煒、周嘉洛、郭柏姸、羅天宇、陳曉華、何廣沛、龔嘉欣、劉穎鏇、吳偉豪、朱敏瀚、丁子朗、蔣祖曼、林正峰、胡鴻鈞、吳業坤、JW王灝兒、戴祖儀等等。而視帝黎耀祥就同久未參加台慶既吳啟華一齊踏上紅地氈。

逾300藝員先後踏上台慶紅地氈
四位港姐冠軍馮盈盈、莊子璇、黃嘉雯、謝嘉怡打扮得靚一靚亮相，FYY中門大開非常性感。
馮盈盈嘅中空裝可以話終極性感

雖然天氣轉涼，但唔少女藝員都唔吝惜展現好身材，當中最性感嘅絕對係邵初，而東張女神鄧凱文以及波波黃婧靈都無懼低溫大騷quali。
邵初出場可以話同FYY平分秋色

啱啱宣布升任準爸爸嘅蕭正楠亦收到大家祝福，阿蕭當然都有同大家分享準爸爸既喜悅心情，話自從得知太太黃翠如懷孕之後，自己就包辦晒屋企所有工作，果然係24孝好老公呀！

新任準人父蕭正楠整日狂收祝賀
一眾女星為紅地氈花盡心思打扮

另外中聲家族、聲夢家族、愛回家大家庭、歷屆港姐等都有踏上紅地氈，相當有氣勢。