吳尊汶萊別墅Home Tour 超豪華設計令網民極羨慕

吳尊近年雖然因為事業而搬咗去上海定居，但佢間中都會同家人返家鄉汶萊短住，最近佢就接受媒體嘅專訪，去到汶萊家訪由吳尊自己親自設計嘅別墅，入面嘅巨型泳池、兩層樓高滑水梯、籃球場、同專門擺放吳尊收藏品嘅All Star Gallery都相當吸晴，睇到網民超級羨慕！

別墅以泳池為中心。（影片截圖）
吳尊設計嘅呢間別墅處處都透露住細節，單係大門就融入「LOVE」嘅元素，吳尊指因為自己嘅生活係由「愛」日水字出發，所以佢嘅家亦係由「愛」出發。除咗大門外，玄關牆身位置亦有以佢同太太二人指紋組成嘅心形藝術品，而正中央就放有代表 信念、熱情、友情及親情嘅擺設。
玄關位置有以吳尊同太太指紋組成嘅藝術品。（影片截圖）
整間別墅以泳池為中心點，吳尊表示自己設計時希望呢個家會成為一間度假屋，所以先會將泳池擺喺中心，希望喺屋企唔同嘅角落都可以睇到泳池，另外吳尊又指「水屋村」係汶萊嘅特色建築，佢話細個去朋友屋企時，都會一齊跳落河度玩，而別墅嘅設計就勾起佢呢段童年回憶喇。泳池邊有以珍珠白嘅mosacis砌成滑梯，泳池底更砌上「Life is beautiful」嘅字句，提醒大家好好享受生活。
吳尊分享設計大女房間嘅靈感。（影片截圖）
素有寵女狂魔之稱嘅吳尊，喺設計大女Nei Nei嘅房間時都花咗唔少心思，佢指當中參考咗電影《羅密歐與茱麗葉》嘅浪漫情節，幻想有個男生喺窗台下彈結他同Nei Nei傾偈嘅浪費感覺。
吳尊嘅「All Star Gallery」區域。（影片截圖）
去到吳尊嘅「All Star Gallery」區域，佢笑指有啲似自己嘅私人博物館，當中收集咗球星Michael Jordan嘅球衣、球鞋、冠軍戒指、簽名相等，而另一邊則收藏咗吳尊入行以嚟影過嘅雜誌封面。吳尊話以前冇諗過自己會拍電影開演唱會，就係因為呢啲佢崇拜嘅人，令佢唔怕失敗同挑戰，所以呢個Gallery亦係一個激勵佢嘅空間。

吳尊嘅「All Star Gallery」區域。
令唔少男生流口水嘅球鞋屋。（影片截圖）
當吳尊帶大家參觀佢喺二樓嘅書房時，就晒出佢喺疫情時所畫嘅設計圖，當中包括佢喺2008年11月時為呢間別墅繪畫嘅設計手稿，同埋籃球場旁嘅塗鴉牆手稿。吳尊重點介紹嘅就係佢哋嘅家庭客廳，佢表示一家人睡前都會喺呢個客廳聚一聚，牆上就放有大女Nei Nei同細仔Max畫嚟送畀佢同太太嘅畫作、一家人嘅旅行照等等，幸福感滿載嘅角落。
室外籃球場有吳尊設計嘅塗鴉牆。（影片截圖）