黃翠如宣布懷孕後首曬近照 換冬裝獲粉絲封最美孕媽保持少女感

黃翠如與蕭正楠結婚6年終迎來好消息，翠如之前按傳統未夠三個月唔講得，出騷時尷尬地支吾以對，自宣布懷孕喜訊兼透露曾經歷流產之痛後，佢同老公蕭正楠連日嚟收到無數祝賀及關心，準媽媽翠如今日更開心喺社交平台上載近照，被粉絲封「最美孕媽」！

準媽媽翠如今日更開心喺社交平台上載近照，被粉絲封「最美孕媽」！
今日天氣轉涼，翠如已換上厚實保暖嘅冬裝，並留言：「簡簡單單過日子❤️，感謝這幾天迎來的福氣，更感謝，跟我分享故事的妳們，願我們也得到祝福，也互相分享祝福。」而粉絲見到翠如嘅近照，紛紛讚翠如係靚靚孕婦，指翠如嘅近照仲係好有少女感，粉絲又祝翠如生一個肥肥白白嘅BB！

粉絲見到翠如嘅近照，紛紛讚翠如係靚靚孕婦。翠如嘅近照仲係好有少女感！