麻雀女王高海寧ＸAI科學家馬國明組冧爆CP 陳家樂激咀親密指導陳靜

蛇年賀歲片《麻雀女王追男仔》笑星陣容曝光 ，率先同全港觀眾拜年，預祝觀眾年頭笑到年尾！ 電影公司今日發布首條預告，高海寧以麻雀女王身份亮相，與馬國明飾演嘅AI科學家組成冧爆CP，相信二人一定會有充分「文化交流」。

高海寧以麻雀女王身份亮相，與馬國明飾演嘅AI科學家組成冧爆CP。

陳家樂飾演四屆影帝千紅哥，而陳靜飾演負責片場指導親密戲嘅親密指導員。
陳家樂飾演四屆影帝千紅哥，劈頭一句「So What」，充滿霸氣嘅形象似曾相識一位經典影帝，而陳靜（DaDa）飾演負責片場指導親密戲嘅親密指導員，角色背景令人想入非非，家樂DaDa更不負眾望以激咀打招呼！

蛇年賀歲片《麻雀女王追男仔》笑星陣容曝光 ，率先同全港觀眾拜年！
郭珮文亦以性感女神造型亮相，首度參演電影嘅LOONG 9成員文佐匡（Sean）飾演公司小薯，面對老闆複雜感情關係，Sean亦愛莫能助。早前於台慶上抽得名車嘅TVB花旦蔡潔有閃現喺預告片之中，但蔡潔嘅角色暫時保持神秘感。

蔡潔嘅角色暫時保持神秘感。
預告片中更見幾位喜劇高手縱影，包括Benz哥許紹雄以「九龍城寨村長」龍卷峰自居，身旁出現林盛斌（阿Bob）飾演手下信七，有二人加持，估計城寨翻Hit無難度！同場更有賀歲片常客麥玲玲師傅送上祝福，早前晶哥及葉念琛導演預告嘅重量級女神終於下凡，來自台灣啦啦隊女神林襄搶先大派福利，吻賀一眾粉絲。

阿Bob飾演手下信七！

來自台灣啦啦隊女神林襄搶先大派福利，吻賀一眾粉絲。