唐詩詠轉軌道投資烘焙店正式開張 獲曾志偉陳敏之等圈中好友大讚手藝

唐詩詠Natalie早前趁演藝事業空槍期，暫時放下幕前工作，專心學習烘焙整麵包、蛋糕，為自己未來進軍商界鋪路，學有所成後Natalie成功轉換軌道做老闆娘，喺鬧巿銅鑼灣開設日式吐司專門店，仲親自落手落腳打點及製作麵包，連店內店外秩序都要兼顧埋，唔少客人事後都網上留言大讚老闆娘好nice。

一眾好友撐唐詩詠新店開幕。

店舖開業一個月以來已成為潮牌，經常爆場排長龍，生意似乎唔錯，喺11月28號店舖正式舉行開張，裡外人頭湧湧，滿佈花欖，除咗街客捧場之外，唔少圈中人都有到賀。Natalie開張當日如常返到店舖著上制服招呼客人，好友陳敏之、方力申、獎門人曾志偉、余安安等都有現身開幕支持，敏之更上載合照留言鼓勵：「生意興隆，分店滿滿，啲麵包真係好好食呀！唔怪得知日日大排長龍啦。」志偉同小方更身穿同Natalie同款嘅服撐場，認真唔話得。
唐詩詠 陳敏之陳敏之嚟撐唐詩詠開張。
其實試業期間，Natalie嘅好友黃翠如同張曦雯Kelly等都分別到光顧支持，試吓好友嘅手勢，紛紛讚不絕口。而較早前Natalie亦曾透露發哥周潤發在店舖開業第一日已經試過新鮮出爐麵包，更笑指有發哥加持就好旺。
好友黃翠如之前亦有去捧唐詩詠場。