J.Arie深思熟慮往幕後工作發展 明年將舉行最後一次演唱會

「11月之星」雷深如（J.Arie）日前與粉絲舉行生日會，粉絲仲為佢準備咗一個好靚嘅蛋糕，壽星女收到呢個驚喜都好開心，J.Arie坦言好鍾意收文字，最緊要樂迷係人到、送卡就得！

J.Arie 與fans舉行生日會。
J.Arie今年多咗一份好珍貴嘅生日禮物就係拎到作曲獎，經過深思熟慮，嚟緊佢想放多啲時間喺幕後工作發展，希望寫多啲歌感受自己嘅情緒，投放多啲時間去研究，寫得更加得心應手，又或者做吓配樂，試吓更多唔同嘅工作。
J.Arie打算明年舉行暫時最後一次演唱會。
J.Arie明年將舉行暫時最後一次演唱會，好想樂迷一定要嚟，一齊盡興嗌到盡，佢笑言樂迷唔好再咁斯文，大家由頭企到落尾一齊跟住唱。