林襄香港街頭影性感相大派福利 日本睇波遇痴漢跟蹤嚇至花容失色

台灣啦啦隊女神林襄早前為拍攝葉念琛導演嘅新戲《麻雀女王追男仔》，頻頻香港台灣兩邊走，忙拍戲之餘，林襄不忘派福利，喺自己嘅IG上傳一系列噴火相。

林襄喺自己嘅IG上傳一系列噴火相，大派福利！

林襄自2021年加入啦啦隊後，憑精緻靚樣及E級傲人身材成功上位，人氣紅遍東南亞地區。
相中林襄著住粉紅色絲質超deep V裙，穿梭喺香港大樓間擺拍，大方騷出好身材，除此之外，林襄仲喺酒店房對鏡自拍，由影相角度可以見到，林襄豐滿上圍幾乎就嚟兜唔住，睇到一班男粉絲大嗌救命。林襄喺post中寫到，「之所以頻繁的記錄，因為真正的分享者是未來的自己，最近真的好頻繁到香港」。

林襄擁有甜美外型與驚人身材曲線，累積不少粉絲。
林襄有份演出嘅賀歲片《麻雀女王追男仔》由高海寧、馬國明、陳家樂、陳靜同許紹雄等人演出，值得一提嘅係，同樣擁有驕人身材嘅港姐郭珮文都有份演出套戲，到時港台兩大女神正面交鋒，相信畫面會十分養眼。

林襄著住粉紅色絲質超deep V裙，穿梭喺香港大樓間擺拍，大方騷出好身材。
林襄早前因暴瘦到39kg，令大家好擔心佢健康出狀況，不過近排佢狀態回勇．上星期現身日本東京巨蛋睇波，仲被日本媒體盛讚為「世界級美女」，而林襄降臨東京巨蛋亦令現場男粉絲陷入瘋狂，比賽結束後有多名熱情粉絲一路尾隨佢返酒店，儘管林襄當場禮貌地希望粉絲唔好再跟，但依然阻止唔到班痴漢，嚇到林襄花容失色，唯有一路跑返酒店，搞到林襄經理人要出面呼籲大家要理性追星。

林襄早前因暴瘦到39kg，令大家好擔心佢健康出狀況。

林襄有份演出嘅賀歲片《麻雀女王追男仔》。