張敬軒忙家事暴瘦大感無奈范冰冰欣賞劉青雲恨有機會合作

韓團2NE1隊長CL、少女時代前成員Jessica、范冰冰、張敬軒、周秀娜、Gin Lee同Aga等一眾紅星盛裝出席香港一個時尚盛典。近日傳出有新戀情嘅梁洛施亦以高貴黑色吊帶裙現身，睇上去精神奕奕，狀態非常好，不過佢就未有受訪。而半個月內兩度來港出席活動嘅木村光希就話，好鍾意香港呢個城市。
張敬軒周秀娜
張敬軒嚟緊12月就會放一個長假，佢話自己已經有兩年幾冇好好休息過，加上屋企發生一連串事件，亦佢決定要暫時放低工作，先處理好家事，軒公話因為爸爸嘅健康狀況，導致父母喺香港廣州兩地頻撲，自己亦因此暴瘦7、8kg，軒公仲好感慨話大家通常淨係留意藝人光鮮亮麗嘅一面，忽略咗佢地背後可能都有好多問題，言談間可以感覺到軒公充滿無奈。
梁洛施
范冰冰早前同柏安妮囡囡許恩怡喺電影中飾演母女，佢話自己一直都好鍾意同香港演員合作，仲大讚每一位都好專業，冰冰仲話自己一直好恨同影帝劉青雲合作，希望未來有機會咁話。