容祖兒上內地節目失聲數度爆喊 憂破壞氣氛成為污點：用真誠換取體諒

容祖兒（Joey）因聲帶長期有繭，磨擦得多要做手術，經休養後現時仍未完全痊癒，Joey堅持現身內地節目《聲生不息大灣區季》企上舞台，岀場時獲其他歌手慰問，見Joey忍唔住爆喊，更向在場觀眾道歉，佢唱出經典歌《心淡》，更邀請全場一齊合唱，其間Joey被感動至數度落淚。

容祖兒因聲帶長期有繭，經休養後現時仍未完全痊癒。
部分觀眾未能聽到Joey悅耳嘅歌聲而感到不滿，Joey噚日喺社交平台撰文分享當刻嘅感受，先感謝當日在場每一位放聲高歌嘅觀眾，Joey坦言節目組鼓勵佢上台嗰一刻，Joey曾經猶豫同考慮過，擔心現場觀眾並未熟悉呢首歌，未能全場大合唱，「那我豈不是破壞了節目的氣氛嗎？成為第一集的污點」。

Joey忍唔住爆喊，更向在場觀眾道歉。
Joey最終鼓起勇氣行出嚟，好希望用真誠換取大家嘅體諒；Joey認為作為今次常駐歌手，絕對有責任肩負起推廣港樂呢個重任，佢好希望呢趟旅程為港樂帶嚟更美好嘅未來。

Joey希望用真誠換取大家嘅體諒，更邀請全場一齊合唱，其間Joey被感動至數度落淚。