中年好聲音3丨Dan James跪地除褸High爆 五燈唱將高菲走音甩beat大跌Watt

《中年好聲音 3》周日晚上8點半喺翡翠台播映，香港賽區、新馬區及大灣區60強PK大混戰嚟到第二回，上集賽果出人意表，三 位5燈選手因表現失準被淘汰。今集將有17位選手登場，分別劉曉昆、姬麗婷、潘紹麟、宗倩如、 高菲、Dan James、森林、尤詩郡、 侯靜伊、劉建偉、梁楚琪、韓依納、劉傳民、陳以苹、林立峰 及鍾凱瑩，繼續上演驚險PK戰！

劉曉昆獻唱《我等到花兒也謝了》獲張佳添以「找錢論」作點評。
首位登場嗁劉曉昆喺上一輪盲選回合獻唱《如願》勇奪5燈，曾獲張佳添激讚係當日驚喜，本回獻唱《我等到花兒也謝了》表現依然不錯，張佳添讚佢處理得恰到好處，但不諱言一邊聽一邊替佢擔心，並以「找錢論」點評：「可以揀首比呢首難度少啲啲嘅歌，畀十蚊找番一蚊，嗰種係最好嘅表現。」大灣區3燈選手姬麗婷係全場唯一勇敢向劉曉昆PK嘅選手，到底又能否挑戰成功？

大灣區 3 燈姬麗婷係全場唯一勇敢向劉曉昆 PK 嘅選手。
同樣喺上一輪盲選回合奪得5燈嘅英國人Dan James，上回獻唱經典歌《李香蘭》贏盡好評；今次 Dan James轉唱英文搖滾金曲 《It’s My Life》繼續 high爆全場，除外套拋向選手席、展示麒麟臂引爆全場歡呼聲，更忘我地跪地拗腰晒柔軟功，睇到肥媽同張佳添揮晒手！周國豐直言看好Dan James有機會爭勝。

「雌雄同體」5 燈唱將高菲今次走音兼甩 beat，大跌 watt！
相反，被指「雌雄同體」嘅大灣區選手高菲之前獻唱《祝福》大獲好評勇奪5燈，但今次獻唱《等》尾段竟然走音兼甩beat，連向來鬆手嘅肥媽直言唔理想，指高菲連拍子都捉唔準。台下幾乎全部選手站起身欲挑戰高菲，最終高菲接受3燈選手查俊嘅《你是我的眼》挑戰，到底高菲會否大熱倒灶？

3 燈選手查俊以《你是我的眼》battle。
今集將有17位選手登場，分別係劉曉昆唱《我等 到花兒也謝了》、姬麗婷唱《守望麥田》、潘紹麟唱《上海灘》、宗倩如唱《值得》、 高菲唱《等》、Dan James唱《It’s My Life》、森林唱《加價狂熱》、尤詩郡唱《愛情》、 侯靜伊唱《霧之戀》、劉建偉唱《Greatest Love Of All》、梁楚琪唱《閉目入神》、韓依納唱《一切也願意》、劉傳民唱《只因你傷心》、陳以苹唱《至少還有你》、林立峰唱《有個人》、鍾凱瑩唱《他不愛我》

Dan James 唔唱《李香蘭》轉唱搖滾歌曲《It’s My Life》。
《中年好聲音 3》周日晚8點半翡翠台播映