歡樂滿東華2024丨許家傑伍富橋結舞緣 朱晨麗關禮傑歌舞表演傾盡全力

關禮傑同朱晨麗率領一眾藝人喺12月7日晚舉行嘅慈善籌款盛事《歡樂滿東華2024》進行綵排，傑哥話8分鐘嘅歌舞表演裡面，個個都係舞蹈歌手，令冇跳舞底子嘅傑哥更落力排練，朱朱今次同傑哥化身灰姑娘同王子，喺跳舞同時又加入故事元素。
關禮傑同朱晨麗落力排練。朱晨麗
有份演出嘅許家傑同伍富橋，仲要施展球技為節目籌款，許家傑話一直好想同伍富橋跳舞，咁多年嚟第一次攜手去做，伍富橋記得2009年許家傑奪得香港先生冠軍，當時二人喺東亞運動會有一面之緣，伍富橋當時係藝術表演團嘅舞蹈員之一，二人仲影咗一張合照。

許家傑同伍富橋施展球技為節目籌款。
伍富橋同許家傑分別開班教拉丁舞同籃球，佢哋希望明年帶學生一齊嚟表演籌款，傳承球技與善心，幫到更多有需要嘅人之餘，同埋啲學生可以一齊battle吓！講到籃球籌款環節，佢哋越投入多啲球，就籌得多啲善款，佢哋都把握時間勤練投籃。