吳業坤兒童書展推廣空手道 備戰今個月首參與公開賽

吳業坤 近日雖然忙住為佢同 胡鴻鈞 合作嘅音樂會排練，不過近年潛心鑽研空手道仲有唔錯成績嘅坤哥，日前仍然抽時間現身「兒童書展暨超級親子用品展」，參觀各個展位之餘，仲為佢所屬嘅「華蘭道場」站台，同現場參觀嘅家長仲有小朋友互動，又即席示範大顯身手，吸引唔少入場人士圍觀同拍攝。

疫情期間開始接觸空手道嘅坤哥，忙住準備音樂會仍抽時間支持道場，向小朋友宣傳運動嘅重要性

雖然只係投入幾年時間，不過坤哥就已經有唔錯嘅成績
坤哥自4年前疫情期間，為自我增值而開始接觸空手道，向前港隊香港空手道精英運動員李偉志拜師學藝，近年來仲一直不斷研集同參加唔同比賽，早前仲指即將會再考試升級至黑帶初段，坤哥仲透露身為中大嘅空手道校隊助教，而佢忙演唱會嘅同時，今個月更會首次參加香港公開賽，目前正積極備戰中，仲話希望有機會可以成為港隊代表咁話。

原來佢仲係中大空手道隊嘅助教

好快仲會首次參加香港公開賽，認真犀利