張栢芝盛傳陀第四胎後首度現身 身形fit爆狀態大好打破傳聞

一直盛傳再陀第4胎嘅 張栢芝 ，神隱多時後呢日無預警現身北京一個品牌活動，同場仲有楊紫、徐藝洋等藝人。栢芝一身復古波希米亞風造型亮相，狀態非常好，成個凍齡女神一樣又靚又fit，相信有傳佢懷有第4胎嘅傳聞，都可以不攻自破啦。

最近被瘋傳再次懷孕嘅栢芝，呢日突現身北京一個品牌活動
查實栢芝今次出席公開活動，令唔少人都好驚喜，事關佢舊年8月因為身體抱恙，緊急取消手頭上嘅工作，引發各界關心，更謠傳佢患癌。而今年年初，栢芝更停止更新個人社交平台，亦無再公開露面，因而又瘋傳佢懷有第4胎所以要停工安胎，對於種種傳聞，栢芝雖然未曾正面回應過，但呢日大家見到栢芝，相信自有答案啦。

呢次現身亦粉碎外界所指佢再次有孕嘅傳聞