藍帶蔣怡為仔女炮製早餐 色香味俱備媲美五星酒店

47歲嘅蔣怡自2013年嫁咗畀珠寶設計師翁狄森後，就淡出幕前開展咗自己嘅烹飪興趣，2014年去咗英國倫敦入讀法國藍帶廚藝學院學廚，仲以藍帶最高榮譽頭銜畢業。平日蔣怡除咗照顧一對仔女外，仲會不時拍啲烹飪片擺上社交平台，分享唔同菜式嘅煮法。
一早收到仔女嘅早餐order 。
今日（11號）蔣怡就post咗一條為一對仔女煮早餐嘅片。朝早5點半就起身準備早餐嘅蔣怡，收到仔女前一晚貼喺雪櫃上嘅早餐order memo，當中包括潮汕海鮮粥、牛油果烘蛋、爆漿牛奶吐司、水果酸奶碗等6款美食，憑實力寵娃嘅佢當然要為兩個寶貝安排上啦！
身為藍帶美女廚師，煮個早餐點會難到蔣怡吖！身為藍帶美女廚師，煮個早餐點會難到蔣怡吖！睇片都已經流晒口水！
蔣怡邊煮邊同大家講解每道菜要點煮外，仲會分享呢道菜對小朋友身體有咩好，由於每道菜都色香味俱全，唔少網民睇完都話流晒口水留言話想食，同時亦有人留言讚蔣怡：「時間管理好犀利👍👍👍一個早上可以做咁多唔同款式嘅食物🫶🏻」。
睇片都已經流晒口水！話咁快就煮好喇！食早餐前錫啖囝囝先！

蔣怡成日都會出席囡囡學校嘅活動。蔣怡同老公翁狄森感情好好。